Song of Minang - Roda Padati

Cart Wheels

Nasib bak cando roda padati …, roda padati …
Turun naiak baputa ganti baganti
Baputa kateh yo dapek galak badarai …, galak badarai …
Turun kabawah taimpik badan marasai

Lai den timbo di ladang, sumua di ladang
Biluluak juo tatimbo yo nan tatimbo
Lai den cubo bak urang, yo nan bak urang
Nan buruak juo tasuo yo nan tasuo

Ndeh, barakik-rakik ka hulu
Baranang yo katapian
Ka mudiak di hari sanjo
Basakik-sakik dahulu
Basanang yo kamudian
Barugi mangko balabo

(Ciptaan Syahrul Tarun Yusuf, Dipopulerkan oleh Elly Kasim)

Song of Minang - Dindin Ba Dindin

Balari lari bukannyo kijang
Pandan tajamua di muaro
Kami manari jo tari indang
Paubek hati urang basamo

Ampun jo maaf oi kami puhunkan
Pado dunsanak alek nan tibo
Sambuiklah salam oi kami ucapkan
Kami ba indang nan mudo mudo

Bamulo indang ka ditarikan
Salam bajawek (ondeh) ganti baganti
Lagu lah indang kami nyanyikan
Supayo sanang (ondeh) basuko hati

Dindin badindin oi dindin badindin
Dindin badindin oi dindin badindin

Di Pariaman oi baralek gadang
Di bulan Tabuik sabana rami
Kami tarikan oi tarinyo indang
Salah jo jangga maafkan kami

Kabekkan jawi ditangah padang
Baoklah pulang dihari sanjo
Kami manari jo tari indang
Paubek hati (ondeh) urang basamo

Dindin badindin oi dindin badindin
Dindin badindin oi dindin badindin

Baralah tinggi oi si buruang tabang
Panek malayok ka hinggok juo, oi
Banyak ragamnyo budayo datang
Budayo kito kambangkan juo

Dari lah Solok nak ka Salayo
Urang lah Guguak (ondeh) pai ka pakan
Ambiak nan elok jadi pusako
Sado nan buruak (ondeh) kito pelokkan

Dindin badindin oi dindin badindin
Dindin badindin oi dindin badindin

Song of Minang - Ayam Den Lapeh

My Chicken is Run

Luruihlah jalan payakumbuah
Babelok jalan kayu jati
Dima ati indak karusuah
Ayam den lapeh ai ai
Ayam den lapeh

Mendaki jalan padangsikek
Basimpang jalan ka biaro
Di ma ati indak kamaupek
Awak takicuah ai ai
Ayam den lapeh

Sikucapang sikucapeh
Saikua tabang saikua lapeh
Tabanglah juo nan karimbo
Oilah malang juo

Pagaruyuang batusangka
Tampek bajalan urang baso
Duduak tamanuang tiok sabanta
Oi takana juo ai ai
Ayam den lapeh

Song of Minang - Bapisah Bukannyo Bacarai

Split is not Break Up

Bapisah bukannyo bacarai
Usahlah adiak manangih juo
Basaba sayang nantikan denai
Taguahkan malah iman di dado

Bapisah bukannyo bacarai …

Uda bajalan padamlah palito
Kasia badan ka ditompangkan
Kampuang den jauah, da, sanak tiado
Denai jo sia uda tinggakan

Ondeh, gunuang Marapi, gunuang Singgalang
Hai, tolong caliakkan kasiah hati den
Nan den tinggakan, antaro pintu nan jo halaman
Uda den nanti, antaro pintu nan jo halaman

Bapisah bukannyo bacarai …

Song of Minang - Ubekkan Denai

Curing Me

Ubekkan denai…
Sakiknyo putuih dalam bacinto

Cari kan ubek tujuah ramuan
Sarupo cincin nan balah rotan
Cincin lah lakek di jari tuan
Di jari manih tuan pasangkan

Ubekkan denai, ubekkan denai
Batambah kuruih badan nan jadi
Tamukan denai, suokan denai
Basuo mangko sanang dihati

Cincin siapo nan tuan pakai
Denai nan indak di bari tahu
Lah tujuah tahun janji kok ungkai
Bakeh siapo denai mengadu

Ubekkan denai
Sakiknyo putuih dalam bacinto

(Ciptaan Masroel Mamuja, Dipopulerkan oleh Lily Syarief dan Elly Kasim)

Song of Minang - Malereang Tabiang (Elly Kasim)

Decline Cliff

Malereang lah tabiang malereang, mak oi
Malereang sampai nan ka pandakian
Den sangko langik nan lah teleang, mak oi
Kironyo awan nan manggajuju

Janiah aianyo sungai tanang
Minuman urang bukiktinggi
Tuan kanduang tadanga sanang
Baoklah tompang badan kami

Jarang jarang tugakan jaguang, mak oi
Buliah nak tampak puyuah balari
Kadang kadang tinggakan kampuang, mak oi
Baitu sayangnyo ka nagari

(Dipopulerkan oleh Elly Kasim)